દમદાર!!
દમદાર ઊભો છું, ઝંઝાવાત ભલે લાવે,
લડી લેવાની ખુમારી, તોફાન જો આવે!
છે વિશ્વાસ ખુદ પર, હો કાજળકારી રાત,
એકલ પંથે વધુ આગળ, આપી સહુને માત!
અડગ છું ધ્રુવ તારા સમ, ઝળહળતો ગગન,
રાહ નિરાળી, મંઝિલ સામે, મસ્ત ને મગન!
બદલાય મોસમ ને બદલાય આકાશી રંગ,
અડગ વીરલો લડતો સામી છાતીએ જંગ!
તોડવી છે દિવાલ આ હિંસારુપી આંધીની,
પ્રસરે વાણી અહિંસા ને પ્રેમ તણી ગાંધીની;
ટકી રહ્યો છે શ્વાસ મારો એ જ આશાએ,
છે આંખ અર્જૂનની, સંધાન સાચી દિશાએ!
ફના થવું છે અઘરું, ને લડવું જાત સાથે,
એક મરજીવો લાવે મોતી, લઈ મોત માથે!
શૈલા મુન્શા તા. ૦૫/ ૧૨/૨૦૨૦
www.smunshaw.wordpress.com
