કાવ્યો
Archived Posts from this Category
પરદેશી
Posted by shailamunshaw on 15 Feb 2010 | Tagged as: કાવ્યો
પરદેશી તું આવે કે ના આવે,
વાટ જોઉં હું તારી.
વરસતી આ વરસાદી સાંજે,
વાટ જોઉં હું તારી.
ઊગતા સૂરજની સાખે,
વાટ જોઉં હું તારી.
કાના તું આવે કે ના આવે,
વાટ જોઉં હું તારી.
નિસર્યો મથુરાને પંથ,
ન જોયું પાછું ફરીને એકવાર.
કર્યો ઉધ્ધાર મથુરાજન નો,
કરીને વધ કંસ કેરો
છાયો ઉલ્લાસ સર્વ જનમા,
ધાયો તું પૂરવા ચીર,
બસ એક પુકારે દ્રૌપદીના.
બન્યો સારથિ અર્જુન કેરો,
કર્યો જયજયકાર ધર્મ કેરો.
સહુની ભાંગતા ભીડ,
ભુલી ગયો તું જુએ કોઈ વાટ તારી,
ગોકુળને ગામ.
સુણ્યા સહુ સાદ,
ના સુણાયો એક આર્તનાદ.
કાના તું આવે કે ના આવે,
વાટ જોઉં હું તારી
પરદેશી તું આવે કે ના આવે.
વાટ જોઉં હું તારી સદા.
(એક ગોપી નો સાદ)
શબ્દ સ્પર્ધા મા પરદેશી શબ્દ પર ત્વરિત રચાયેલી બે પંક્તિ નુ મુખડું આજે કાવ્ય રૂપે સર્જાયું.
શૈલા મુન્શા. તા.૨/૧૫/૨૦૧૦
આભાર
Posted by shailamunshaw on 09 Nov 2009 | Tagged as: કાવ્યો
હૈયાની ઉદાસી મહીં
હોય જો સાથ સ્વજન કેરો,
જગતનિયંતા એથી વધુ ન હોય,
આભાર તુજ કૃપા તણો.
મિંચાતી આંખલડી રાત્રિના અંધકાર મહીં
ને રવિ કિરણો સંગ ખુલતી સ્વસ્થ તનમને,
એથી વધુ ન હોય જગતનિયંતા,
આભાર તુજ કૃપા તણો.
વૃક્ષ ઝુકાવી ડાળ આપે ફળ સહુને મધુરા
વહેતો સમીર ભરતો તાજગી રોમેરોમ
વહેતી નદી ન બાંધે કોઈ પાળ
સહુને પ્યાસ બુઝાવવાનો સમાન અધિકાર.
કુદરત કેરા શબ્દકોશમા
બસ આપ આપ ને આપ
ન કોઈ આશ ન કોઈ અપેક્ષા.
ન જાણે એક માનવી અટવાય
વ્યર્થ શબ્દ કેરી માયાજાળમા
ફક્ત બોલવાથી આભાર, નવ કોઈ અર્થ સરે.
નીકળે હૈયાના ઉંડાણથી ને વર્તને,
એજ સાચો આભાર.
શૈલા મુન્શા તા.૧૧/૦૮/૨૦૦૯
દિવાળી
Posted by shailamunshaw on 09 Nov 2009 | Tagged as: કાવ્યો
દિલમાં હોય ઉમંગ તો હમેશ દિવાળી,
હોય કાજળ કાળી રાત અમાસની
તોય દિવાળી
દીવડે દીવડે ઝગમગ દિવાળી
હૈયે ઉમટે ઉલ્લાસ દિવાળી
આંગણું અજવાળે નવલા રંગે
રંગોળીની ભાત દિવાળી
બાળુડા હરખાય ઝાલી ફુલઝારી
આતશબાજીનો ધમકાર દિવાળી
પકવાનોની સોડમ દિવાળી
ગૃહીણી ના હૈયે આનંદ દિવાળી
મહેમાનોનુ સ્વાગત દિવાળી
નવા વર્ષની શુભકામના દિવાળી
બસ આશ સૌ હૈયે એટલી
નવું વરસ લાવે સુખશાંતિ દિવાળી.
શૈલા મુન્શા તા.૧૧/૦૮/૨૦૦૯
મેહુલિયો
Posted by shailamunshaw on 20 Jul 2009 | Tagged as: કાવ્યો
ગોરંભાતું ગગન ગાજતું ને,
સનસન વીજ સબાકા.
ઘનઘોર વાદળની ગર્જન
જાણે ધ્રબુકતાં ઢોલ નગારા
ઝીંકાતો મેહુલિયો સાંબેલાધાર
કરતો ધરા ને ગગન એકાકાર
પાણીની રેલમછેર ચારેકોર ને
છબછબિયાં કરતા નંદકિશોર
વિમાસે ગોરી નીરખી ને હેલી
થાય અધીરા નયન, મળવાને ઘેલી.
કેમ થાશે પૂરા ઓરતા,
ક્યારે મળશે પ્રીતમ અનેરા?
સાગરની ભરતી ઉભરાય એના હૈયે
ઘેરાયો ઉન્માદ એના અંગેઅંગે.
હૈયાના ઉમટ્યા પુર તોડીને કાંઠા બેફામ
આશ હ્રદયે, ભેટશે સુકાની થામીને તોફાન
લઈ હલેસાં હાથમા કરશું જીવનનૈયા પાર
થઈ પ્રેમસમાધિમાં મગન છેડશું રાગ મલ્હાર.
શૈલા મુન્શા તા.૭/૧૮/૨૦૦૯
દરિયો
Posted by shailamunshaw on 10 Jul 2009 | Tagged as: કાવ્યો
દરિયો તો દરિયો જ છે,
હોય ભલેને ગેલવેસ્ટન કે
પછી મરીન ડ્રાઈવનો કિનારો.
ઊભીતી ઝબોળી પગ પાણીમા
લઈ હાથ હાથમાં પ્રીતમનો
હતી રળિયામણી સંધ્યા પણ,
સૂરજ હજી ચમકતો આકાશે.
દરિયો એ હુસ્ટન ગેલવેસ્ટન નો
ને દિવસ ઉનાળા ના લાંબા
બચવા અસહ્ય ગરમીથી
કરતાં છબછબિયાં સહુ પાણીમા.
યાદ અપાવે એ દરિયાની પાળી
મુજને મરીનડ્રાઈવની પાળી,
વિતાવી કંઈ કેટલીય સાંજ
જ્યાં સપનો ની મહેલાત રચી.
નહોતી કલ્પના હોઈશ દરિયાની પેલેપાર કદી,
બસ હૈયે ખુશી એટલી જ
સાથ હતો પ્રીતમનો ત્યારે પણ
ને સાથ છે પ્રીતમનો આજે પણ.
તાજેતરમા ગેલવેસ્ટન ના દરિયા કિનારે ગાળેલી
સાંજ સમયે સ્ફુરેલું કાવ્ય.
શૈલા મુન્શા- ૭/૫/૨૦૦૯
રેતનુ ઘર
Posted by shailamunshaw on 06 Jul 2009 | Tagged as: કાવ્યો
રેતનુ ઘર ટકે તો કેટલું ટકે
ને લાગણી વિનાના સંબંધ
ટકે તો કેટલા ટકે?
સીંચ્યુ પાણી કર્યું મજબુત
બસ એક દરિયાનુ મોજું
ને જમીનદોસ્ત એ ઘર.
કેટલા અરમાન ને કેટલી આશ
બાળુડાની એ દુનિયા
થઈ પળમા નાશ.
જીંદગી પણ બસ એમજ
રેતના ઘર સમી
સીંચીને હૈયાનુ અમૃત
કર્યું મજબુત ઉપવન
પડ્યો દુકાળ લાગણીનો ને
પળમા થયું નષ્ટ ઉપવન
શીદ બાંધવા ઘર રેતના
ને શીદ રાખવી આશ
નિજની જિંદગી જીવવાનો
સહુને અધિકાર.
શૈલા મુન્શા તા.૭/૬/૨૦૦૯
Posted by shailamunshaw on 05 Jul 2009 | Tagged as: કાવ્યો
મહેક રહી ફુલવારી હમરી, મહેક રહી ફુલવારી
ઝુમ રહી હૈ ડારી ડારી{૨}
મહેક રહી……..
કૈસી કૈસી ચલી હવાએ{૨}
ફુલ ઔર ફલ બિખરાએ
મન આશા કા પેડ સુખાયા
દુઃખ પ દુઃખ પહોંચાયે
મેરા બનતા કામ ન બિગડા,{૨}
મૌત ભી થકકે હારી
મહેક રહી……..
સુખ કે બાદલ ફિર ઘીર આયે,
બિગડા કામ બનાયા,
જીવન જલમે બરસ બરસ કે
નયા સમા પલટાયા.
ફિરસે મહેકી ફિરસે લહેકી{૨}
સુખી હુઈ હર ક્યારી
મહેક રહી ફુલવારી હમરી, મહેક રહી ફુલવારી.
સંગીતકાર અને ગાયક શ્રી પંકજ મલ્લિક નુ આ ગીત
મારા પિતા નુ પ્રિય ગીત હતુ જે મને પણ પ્રિય છે અને
નિરાશા માંથી આશા અને પ્રભુ પર શ્રદ્ધા ની વાત છે.
ફાધર ડે ના દિવસે પિતા ની યાદમા જે સદૈવ મારી અનુભુતિ મા છે.
૬/૨૦/૨૦૦૯
શૈલા મુન્શા.
પંખી નો માળો
Posted by shailamunshaw on 06 May 2009 | Tagged as: કાવ્યો
થઈ જીંદગી ની શરૂઆત યૌવને
વસાવ્યો સંસાર યૌવને.
બન્યું જીવન મધુરૂં,
બાળકોના આગમને.
ન રહ્યું સાનભાન સમય કેરૂં
પહોંચ્યા બાળુડા યૌવનને પગથારે.
જીવનની એ ઘટમાળ મહી
જોયા રંગ અવનવા
કદી ચડતી કદી પડતી, પણ વહેતી રહી જીંદગી
એકબીજાના સથવારે.
પાંખો આવી ઊડી ગયા પંખી
ગોઠવાયા નિજ માળામા
વહેતી રહે જીવનનૌયા એમની સદા
સુખ શાંતિના વહેણમા.
જીવનસાથી, સાથ આપણો એકબીજાને
આધાર આપણો એકબીજાને
બસ જીવી લઈએ આ જીંદગાની
એકબીજાના સથવારે.
શૌલા મુન્શા તા.૫/૯/૨૦૦૯
વૌશાખ સુદ પુનમ. (૩૬મી લગ્ન જયંતી નિમિત્તે પ્રશાંતને અર્પણ)
વસંત
Posted by shailamunshaw on 16 Mar 2009 | Tagged as: કાવ્યો
વાસંતી વાયરાએ કીધું અડપલું
ને ખિલ્યો ગુલમહોર મારે અંગ
ભૂલી ને ભાનસાન હું તો વહેતી રહી
એ વાયરાની સંગ સંગ.
ફોર્યો ફાગણને ફોર્યો ઓલો કેસૂડો
ને છંટાયો ગુલાલ મારે અંગ
છંટાણી લાલિમા એ રંગોની ચારેકોર
ને ભૂલીને ભાનસાન હું તો રમતી રહી
એ રંગોની સંગ સંગ.
રૂખા એ વૃક્ષો બન્યા સજીવન,
ને મહેકી ઉઠ્યા ફૂલડાં વન ઉપવન
ફેલાણી એની મહેક ચારેકોર
ને ભૂલીને ભાનસાન હું તો મહેકી રહી
એ ફૂલોની સંગ સંગ
ટહુકો મધુરો ગુંજતો કોયલનો
જાણે રેલાયા બંસીના સૂર
સૂરોને તાલ ખેલંતો કાનૂડો ફાગ
ને ભૂલીને ભાનસાન હું તો રંગાતી રહી
એ કાનૂડાની સંગ સંગ
વાસંતી વાયરાએ કીધું અડપલું
ને ખિલ્યો ગુલમહોર મારે અંગ.
શૈલા મુન્શા. ૩/૧૫/૨૦૦૯.
શબ્દ
Posted by shailamunshaw on 16 Mar 2009 | Tagged as: કાવ્યો
શબ્દ ને મૌન હોય એમ પણ બને
અને વળી શબ્દથી કોઈ ઘવાય,
એમ પણ બને.
શબ્દની માયાજાળ અનોખી
કોઈને તારે, કોઈને ડુબાડે,
કોઈને હસાવે, કોઈને રડાવે
એ ખુબી શબ્દની.
પહોંચે માનવી ઉન્નતિના શિખરે
બસ એક શબ્દ થકી,
અને વળી એજ શબ્દ બને
સીડી પતન કેરી.
છૂટ્યું તીર કમાનથી વળે ન પાછું,
ન વળે પાછો શબ્દ છૂટ્યો જે જબાનથી
ઘડી સોચે ઘડી થોભે જો માનવી બોલતા પહેલા,
ન રહે કોઈ વેરઝેર, ના કોઈ લડાઈ જગમા.
કદી બને એવું, બને શબ્દ નિઃશબ્દ
સાથ જો હો પ્રિયજન તો
બસ બોલતી રહે આંખો અને
મૌન બને શબ્દ.
શૈલા મુન્શા. ૨/૧૧/૨૦૦૯