વિચાર લહેરી

બેસી ચુકી છે ઋતુ વસંતની
પણ શિયાળો જવાનુ
નામ લેતો નથી.

ક્યારેક ઠંડીના ચમકારા
તો ક્યારેક વરસાદના સપાટા
ક્યારેક પવનના સુસવાટા.

વિત્યા દિવસો અને મહિનાઓ
વરસતી હિમવર્ષા અને કાતિલ ઠંડીના
તો પણ ન જાણે, એવું અનુભવીએ છીએ
કે હજુ કેટલો દુર છે ઉનાળો.

થઈ હતીવર્ષ છાંસઠ પહેલા હીમવર્ષા
તેનાથી પણ વિશેષ વરસી હીમવર્ષા
જાણે રેકોર્ડ તોડવાની લગની લાગી.

કેવી છે કેનેડા નગરી, ચાલે યથાવત કામકાજ
નિયમ મુજબ ટેવાઈ ગયાં છે,
હિમવર્ષા સંગ કાતીલ ઠંડી થકી.

આઠ મહીનાની કાતીલ ઠંડી લાવે છે વસંત સંગ
સમર, કોમળ, માણી લઈએ છીએ સૌ કેનેડા નિવાસી
આનંદ મસ્તી મા ડુબી, ભુલી કેનેડાની અખુટ ઠંડી.

સૌજન્ય શ્રી અમૃતભાઈ ગાંધી. કેનેડા નિવાસી (શૌલા મુન્શા)

No Comments »

દિકરો ભલેને હોય ડહાપણનો દરિયો,
પણ દિકરી તો વહાલનો દરિયો.

નાનકડી નમણી એ આંખો મટકાવતી
ને ગુલાબી ગાલો પર સ્મિત મધુરું રેલાવતી.

પગલી એ નાનકડી પાડતી
ને હૈયા એ સૌના રણઝાવતી.

ટહુકો મધુરો એનો ગુંજતો
ને ભરતો ઉલ્લાસ ખુણે ખુણે.

વહ્યા વર્ષો બની દિકરી
ગૃહલક્ષ્મી નિજ ગૃહ તણી
કરી અવકાશ અમ હૃદયમાં.

અજબ ખેલ કુદરત તણો
લીધું તે આપ્યું નવા રુપે.

પુરાયો અવકાશ,
પામી તુજને હે દિકરી
અમ ગૃહ તણી લક્ષ્મી રુપે.

બસ આશિષ એટલીજ અમ હૈયા તણી
મહેકી રહે જીંદગાની સદા તમારી.

શૈલા મુન્શા ૯/૨૦/૨૦૦૮

2 Comments »