ખળભળી મચી છે આજે!
અરમાનોની દુનિયામાં ખળભળી મચી છે આજે!
કોઈ વાસ્તવિકતાનો પહાડ પડ્યો તૂટી છે આજે!
માંડીને ગુંચળુ સાપણ જેમ ફુત્કારે ભલેને ઈચ્છા,
બની ટોપલી મદારીની, ઈચ્છઓની શૂળી છે આજે!
સપનાની દુનિયાને ક્યાં નડે છે અંતર જોજનોના,
ભરવા છલાંગ આભે જોઈએ હિંમત, ખુટી છે આજે!
રણ વચાળે છો દેખાય ઝાંઝવા, છીપાવે ના તરસ,
નથી સહુ રામ, મારવા સોનમૃગને ઈચ્છા રોકી છે આજે!
સાચવવા સંબંધો પ્રેમ ને જતનથી છે અઘરા જીવનભર,
કૃષ્ણ સુદામાની મૈત્રી સહુ કોઈને ક્યાં મળી છે આજે!
અરમાનોની દુનિયામાં ખળભળી મચી છે આજે,
કોઈ વાસ્તવિકતાનો પહાડ પડ્યો તૂટી છે આજે!!
શૈલા મુન્શા તા.૦૯/૦૧/૨૦૧૮
Nice one Shailaben.
Comment by મુકેશ જોશી — September 7, 2018 @ 6:43 pm
સુંદર!!
Comment by ભાવના દેસાઈ — September 7, 2018 @ 6:45 pm
બહુ જ સરસ રચના. દરેક લીટી સરસ છે.
Comment by સરયુ પરીખ — September 7, 2018 @ 6:47 pm
સરસ ગઝલ શૈલાબેન.
Comment by ડો. ઈંદુ શાહ — September 7, 2018 @ 6:48 pm
ખુબ સરસ…. મજા આવી.
Comment by નવીનભાઈ બેંકર — September 7, 2018 @ 6:50 pm
Very nice Shailaben!!!
Comment by કમલ ગુડકા — September 7, 2018 @ 6:53 pm