November 25th 2010

દિવાળી

કોઈ દીપ પ્રગટાવે,
કોઈ તોરણ લટકાવે,
કોઈ સજાવે રંગોળી,
ઉજવે સહુ દિવાળી.

નવલા દિને નવા વસ્ત્ર,
ખરીદી ધૂમ થાય.
વેપારીને ચહેરે ખુશાલી
ઉજવે સહુ દિવાળી.

ભાતભાતના પકવાન
ને ભાતભાતની મિઠાઈ,
કોડીલી વહુ ભરતી થાળ
ઉજવે સહુ દિવાળી.

બાળગોપાળ સજીને તૈયાર,
ચરણ સ્પર્શી દાદા-દાદી કેરા,
પામે આર્શીવાદ નવા વર્ષના
ઉજવે સહુ દિવાળી.

મંદિરોમાં ઘંટારવ બજે,
થાય શણગાર મુર્તિના,
કરે ઝાંખી છપ્પનભોગની સહુ,
ઉજવે સહુ દિવાળી.

કદી કર્યો વિચાર ક્ષણભર?
પ્રગટાવું આનંદ કોઈ દુઃખીજનને હૈયે!
બનુ ભાગ્યવાન, જો રોકું અશ્રુ કોઈના
ઉજવું દિવાળી કોઈ રંક સંગ?

દીવડાં પ્રગટે કાંઈ થાય નહિ દિવાળી
પ્રગટે જો પ્રેમને દયાનો દીપ અંતરમાં
બને જો હૈયું દીન દુખિયાનો વિસામો
તો બસ હર દિન ઉજવાય દિવાળી!!

શૈલા મુન્શા તા. ૧૧/૨૩/૧૦

1 Comment »

  1. પ્રગટૅ જો પ્રેમને દયાનો દીપ અંતરમાં
    ઉમદા ભાવ

    Comment by indushah — November 29, 2010 @ 8:47 pm

RSS feed for comments on this post. TrackBack URI

Leave a comment

Type in

Following is a quick typing help. View Detailed Help

Typing help

Following preferences are available to help you type. Refer to "Typing Help" for more information.

Settings reset
All settings are saved automatically.