આભાર
હૈયાની ઉદાસી મહીં
હોય જો સાથ સ્વજન કેરો,
જગતનિયંતા એથી વધુ ન હોય,
આભાર તુજ કૃપા તણો.
મિંચાતી આંખલડી રાત્રિના અંધકાર મહીં
ને રવિ કિરણો સંગ ખુલતી સ્વસ્થ તનમને,
એથી વધુ ન હોય જગતનિયંતા,
આભાર તુજ કૃપા તણો.
વૃક્ષ ઝુકાવી ડાળ આપે ફળ સહુને મધુરા
વહેતો સમીર ભરતો તાજગી રોમેરોમ
વહેતી નદી ન બાંધે કોઈ પાળ
સહુને પ્યાસ બુઝાવવાનો સમાન અધિકાર.
કુદરત કેરા શબ્દકોશમા
બસ આપ આપ ને આપ
ન કોઈ આશ ન કોઈ અપેક્ષા.
ન જાણે એક માનવી અટવાય
વ્યર્થ શબ્દ કેરી માયાજાળમા
ફક્ત બોલવાથી આભાર, નવ કોઈ અર્થ સરે.
નીકળે હૈયાના ઉંડાણથી ને વર્તને,
એજ સાચો આભાર.
શૈલા મુન્શા તા.૧૧/૦૮/૨૦૦૯
It is wonderful.
jay shree krishna
Comment by pravinash — November 12, 2009 @ 3:31 am