હિસાબ કોણ રાખે!
ખરે એક પાન વૃક્ષ થી ને ખરે એક જીંદગી જીવનથી,
કચરાય એક પગ તળે, એક મન તળે, હિસાબ કોણ રાખે!
આથમેના સૂરજ, તો કિમતના કોઈ અજવાસની,
હો ઉજાસ હરદમ, મુલના સમજે, હિસાબ કોણ રાખે!
જાળવ્યાં જેને જતન માવજતથી ગણી આંખની કીકી,
આંખડી તરસતી રહે પામવા જતન, હિસાબ કોણ રાખે!
સાથી સંગ જીવન જીવવાની તમન્નાને મોત રોકે મારગ,
અંતિમ પડાવે માંહ્યલું ઝુરે એકલતાએ, હિસાબ કોણ રાખે!
ખરે એક પાન વૃક્ષથીને ખરે એક જીંદગી જીવનથી,
ક્ચરાય એક પગ તળે, એક મન તળે, હિસાબ કોણ રાખે!
શૈલા મુન્શા તા. ૦૯/૨૨/૨૦૧૩
