જો હોય – ઉશનસ્
આવી જ એક ક્ષણ હોય,
સામે અષાઢઘન હોય;
ફણગો ફૂટે અડકતાં જ,
ભીનોભીનો પવન હોય;
જે તે ચણ્યું ગમે ના,
કાચું પીમળતું વન હોય;
ઊગી જવાય વાડે,
જો આ ક્ષણે વતન હોય;
જામીય જાય મૂળિયાં,
જો થોડું બાળપણ હોય;
સિમેન્ટમાં ઢૂં ઢું છું:
એકાદ મિટ્ટીકણ હોય;
ઠરવા ચહે છે આંખો,
હરિયાળું ક્યાંક તૃણ હોય;
બોલાવે ઘેર સાંજે,
બાના સમું સ્વજન હોય.
કવિ ઉશનસ્ ની આ ગઝલ મારી ગમતી ગઝલ માથી એક છે, અને ખાસ દુનિયાની સર્વ “મા” ને સમર્પિત.
“બોલાવે ઘેર સાંજે,
બાના સમું સ્વજન હોય.”
બા ને યાદ કાર્વા હોઇતો આ ગજલ વાચ વા નિ
Comment by hasmukh patel — December 15, 2011 @ 11:42 am