જાઉં છું
આંસુ વ્યથાના નિરંતર પીતી જાઉં છું,
ચહેરા પર ચહેરો ઓઢતી જાઉં છું.
જમાનાએ દેખાડી તાસીર જુદીજુદી,
એક નવી મંઝિલ શોધતી જાઉં છું.
ક્યાંક ગમને ક્યાંક ખુશી, રહે ન બન્ને સાથ,
તરાજુમાં હિસાબ બેઉનો તોળતી જાઉં છું.
બળિયાના બે ભાગ એવી આ દુનિયામાં,
ન્યાય અન્યાયના ભેદ પરખતી જાઉં છું.
આમ તો સર્જી તેં દુનિયા ઓ સર્જનહાર!
સર્જનમાં વિસર્જન નિરખતી જાઉં છું.
આંસુ વ્યથાના નિરંતર પીતી જાઉં છું,
ચહેરા પર ચહેરો ઓઢતી જાઉં છું.
શૈલા મુન્શા. તા. ૦૩/૨૨/૨૦૧૧
