એક ડગલું આગળ રહે કુદરત!
માનવી તો ઘણુંય ઈચ્છે આંબવા સૂરજ,
ભુલે, જ્યાં એક ડગલું આગળ રહે કુદરત.
નજર સામે દેખાય નભને ધરતી એકાકાર,
ના મળે કદી, ભ્રમ નજરનો સરજાવે કુદરત.
કરીં ભેગા તણખલાં બનાવે નિજ માળો પંખી,
આંધીના સપાટે તણખલાં વિખરાવે કુદરત.
ઊભો સુકાની ઝાલીને શઢ, કિનારો નજર સામે;
ડુબીએ નાવ, ક્ષણમાં લાવે સુનામી એ કુદરત.
માનવી તો ઘણુંય ઈચ્છે આંબવા સૂરજ,
ભુલે, જ્યાં એક ડગલું આગળ રહે કુદરત.
શૈલા મુન્શા તા. ૧૫/૧૦/૨૦૨૫
