વિચાર લહેરી

આવી દીવાળીની રાત,
ગગન ગોખે તારલિયાની ભાત,
ઘર ઘર પ્રગટે દીવડાંની વાટ!
રંગોળીને તોરણ સજે દ્વાર

આવે અમાસને દિન અશુભ ગણાય,
આસોની અમાસે લક્ષ્મીપૂજન થાય;
વહીખાતાની પુજા કરી, વેપારી હરખાય,
કરી મંગળ કામના નવું વર્ષ ઉજવાય!

ઘૂઘરા ઘારી, મઠિયાને પકવાનોની સોડમ,
હોંશીલી નાર સજાવે મીઠાઈનો થાળ;
તારામંડળ ભોંયચકરડી ફટાકડાં ફુટતાં ચારેકોર
સજીધજીને બાળગોપાળ માણે ઉત્સવની મોજ!

ક્યાં ગઈ ખોવાઈ એ દિવાળીને નવ વર્ષની ઉજવણી,
રજા પાંચ દિવસનીને, દિવાળી શોભા હિલ સ્ટેશનની
મઠિયા ચોળાફળી થયાં આઉટ ઓફ ફેશન,
ડ્રાયફ્રુટને, ચોકલેટ કુકી ઘરને કરે રોશન!

તેલનાં કોડિયાં રંગોળી ગયાં વિસરાય
તૈયાર રંગોળી દરવાજેને, બેટરીના કોડિયાં
દિવાળી તો આમ ઉજવાય ભાઈ આમ ઉજવાય!!

શૈલા મુન્શા તા.૧૫/૧૦/૨૦૨૫