May 4th 2019

વેરાઈ ગયા !!

ગૂંજતી રહી શરણાઈને, સૂર વેરાઈ ગયા.
બોલતી રહી આંખોને, તેજ ઓલવાઈ ગયા!

પથ્થરોની આડમાં જ્યાં ફુટી એક કુંપળ,
અનુપમ નજારા એ કુદરતના, જોવાઈ ગયા!

અડગ રહ્યા જે કુમળા છોડ ઝીલી રવિકિરણો,
મૃદુ સ્પર્શે એ પાન લજામણીના બિડાઈ ગયા!

ભલે ના જોયું પાછા વળી ગોકુળ કદી કૃષ્ણે,
બંસરીના એ સૂર રાધાને હૈયે રેલાઈ રહ્યા!

કવચને કુંડળ દઈ દાનમાં, કર્ણ બન્યો મહાદાની,
જોઈ ગુરૂદક્ષિણા એકલવ્યની, હૈયા ભીંજાઈ ગયા!

ગૂંજતી રહી શરણાઈને, સૂર વેરાઈ ગયા,
બોલતી રહી આંખોને, તેજ ઓલવાઈ ગયા!

શૈલા મુન્શા તા.૦૫/૦૪/૨૦૧૯

4 Comments »

  1. ખૂબ સુંદર રીતે શબ્દોની ગૂંથણી કરી સરસ સજાવટ કરી છે.
    ખૂબ સરસ…. શૈલાબેન
    આવી રીતે જ લખતા રહો ને શબ્દોની સાધના કરતા રહો.

    Comment by રાજેશ પટેલ — May 8, 2019 @ 8:05 pm

  2. Nice.

    Comment by Rupal Shah — May 8, 2019 @ 8:06 pm

  3. ખુબ સરસ રચના શૈલાબેન..

    Comment by મુકેશ જોશી — May 8, 2019 @ 8:07 pm

  4. Keep creating..
    Good luck!

    Comment by વિનોદ પટેલ — May 8, 2019 @ 8:09 pm

RSS feed for comments on this post. TrackBack URI

Leave a comment

Type in
Details available only for Indian languages
Settings Settings reset
Help
Indian language typing help
View Detailed Help