મલકતું મૌન!
મૌન ને પણ હોય છે ભાષા,સાંભળી છે કદી,
કશું કહેવાની ક્યાં જરૂર, અનુભવી છે કદી?
કીડીઓ ની ચાલતી હાર ને,નિહાળતુ બાળ
વાંચ્યુ છે કુતૂહલ આંખમાં એની કદી?
રોજ લસરવું લસરપટ્ટી પર, રોજ આનંદને ખુશી,
કલકલતું હાસ્ય, એ નિર્દોષતા માણી છે કદી?
આવે કોઈ યાદ પાંપણને કોર, ને થનગને હૈયુ,
મલકતા એ મૌન ની મોંઘેરી મિરાત જાણી છે કદી?
ખરબચડા હાથ વરસાવે વહાલ તમ શિરે,
શબ્દ બને મૌન, એ મમતા પામી છે કદી?
મૌનને પણ હોય છે ભાષા, સાંભળી છે કદી?
શૈલા મુન્શા તા. ૦૬/૧૭/૨૦૧૫
