બિંબ – પ્રતિબિંબ
બિંબ ને પ્રતિ-બિંબ ને નીરવ એ એકાંત
ઈશ્વરી માયા નો સર્જાયો અનોખો ચમત્કાર.
રંગોની મેળવણી ને અનોખી દ્રષ્ટિનો પાસ
જળ લાગે સ્થળ સમુ, પથરાયો બિલોરી કાચ!
ડુબતાં એ સૂરજનું અનેરૂં પ્રતિ-બિંબ,
છલકતું સમાધિસ્થ જળ પરે;
ને ઉગતા એ ચંદ્રનું પ્રતિ-બિંબ
દીસતું સમાધિસ્થ જળ પરે;
મૌન પર્વત માણે લીલા કુદરતની,
અદ્ભૂત અનુપમ સૃષ્ટિની કમાલ,
પ્રતિકૃતિ સૂર્ય ચંદ્રની જળપર લહેરાય.
જોઈ અનેરું દ્રશ્ય, બને વાચા મૌન!
ને નીરખી અદભૂત બિંબ-પ્રતિબિંબ!
મન સભર સભર, ઈશ્વરનો સાક્ષાત્કાર!!
શૈલા મુન્શા તા. ૦૭/૦૬/૨૦૧૦
સરસ અભિવ્યક્તિ અને સુંદર ચિત્ર.
Comment by devika dhruva — July 11, 2010 @ 5:41 pm