ધરતી નો છોરું
હાંરે હું તો ધરતીનો છોરું હું તો ધરતીનો છોરું
હોય સમજ નાસમજ તોય હું તો ધરતીનો છોરું
ઉડતા પતંગિયાની સાથ ઉડવું છે ડાળ ડાળ,
પામવો છે પ્રેમરસ થઇને ગુલાબ લાલ લાલ.
સરતી માછલીઓ સંગ મારે સરવું સર સર,
જાણે દરિયો લહેરાતો આંખોમાં ઝર ઝર.
અક્ષરના અંકોડા ભિડાય મારી આસપાસ
તોડવાને સાંકળ નજરું ઘુમાવું હું ચોપાસ
શુન્યમાં ભાસતો સૂરજ ચીતરે રંગો અવનવા,
બની કઠોર નખો નિયમ મુજ પર નવાનવા;
ફેલાવી પાંખ ઉડવું છે મારે ગગન વિશાળ,
અવરોધ બની આ નિયમોની નિશાળ;
હું તો ધરતીનો છોરું હું તો ધરતીનો છોરું
હોય સમજ નાસમજ તોય હું તો ધરતીનો છોરૂં.
“તારે જમીન પર” જોયા પછી રચાયેલી કવિતા.
શૈલા મુન્શા(૧૨/૨૫/૦૭)
ઉડતા પતંગિયા ની સાથ મારે ઉડવું છે ડાળ ડાળ,
પામવો છે પ્રેમરસ થઇને ગુલાબ લાલ લાલ
ધરતી નો છોરું હું ઘનશ્યામ
Comment by ghanshyam vaghasiya — September 5, 2009 @ 4:40 pm