ઈશારા વગર!
થતી નથી કોઈ વાત પુરી, ઈશારા વગર;
બોલતી જો આંખો, બંધ હોઠ ઈરાદા વગર.
માસુમિયત રહે અકબંધ દિલના ઉંડાણમાં,
જીવન ખીલી ઉઠે છે દિલાસા વગર.
પ્રારબ્ધ કે પુરુષાર્થ, ખેલ તકદીરનો;
રાખ દિલની અમીરી મીમાંસા વગર.
તરાજુમાં તોલ ના જીવનના સુખ દુઃખ,
મળ્યું તે પ્રેમથી સ્વીકાર પસ્તાવા વગર.
આજની ઘડી રળિયામણી આશ બસ રાખ,
જીવન જ્યોત પ્રગટાવ નિરાશા વગર.
શૈલા મુન્શા. તા.૨૬/૦૬/૨૦૨૬
www.smunshaw.wordpress.com
