April 8th 2010

એમી – ૧

હું અમેરિકા મા elementary school મા PPCD class જેને (Pre-primary children with disability) કહે છે એમા સહ શિક્ષક તરીકે ભણાવું છું. મારા ક્લાસ મા ત્રણ થી પાંચ વર્ષના બાળકો હોય. અત્યારે નવ બાળકો મા સાત છોકરાઓ અને બે છોકરીઓ છે. એમા એક અમારા એમીબેન છે.
નાનકડી એમી છે તો ત્રણ વર્ષની પણ જાણે જમાદાર.બધા પર એનો રૂવાબ ચાલે. જો એનુ ધાર્યું ન થાય તો ધમાલ મચાવી મુકે. લાલ રંગ એનો અતિ પ્રિય. ક્લાસમા બે લાલ ખુરશી અને બાકીની ભુરા રંગની. જો એને લાલ ખુરશી ન મળે તો જે બેઠું હોય એને ધક્કો મારી ને પણ એ ખુરશી પચાવી પાડે. રમતિયાળ અને હસમુખી, પણ ગુસ્સે થાય તો મોં જોવા જેવું.એના કરતાં બીજા બાળક પર વધારે ધ્યાન આપીએ તો બેનબા ના ચહેરાનો રંગ બદલાઈ જાય.
અમારા ક્લાસમા બીજી જે છોકરી છે, એશલી એનુ નામ.ભગવાને ચહેરો સુંદર આપ્યો છે પણ મગજ કામ કરતું નથી. એક મીનિટ પણ એક જગ્યાએ ન રહે, જે હાથમા આવે એ મોઢામા નાખવા જાય. અમારે એનુ ખાસ ધ્યાન રાખવું પડે.ક્લાસ મા અમે બે ટીચર હોવા છતાં કોઈવાર અઘરૂં પડે.ક્લાસ ના એક ખૂણા મા બેત્રણ નાના કબાટો મુકીને એવી જગ્યા બનાવી છે જ્યાં એશલી રમી શકે. હું અથવા મીસ મેરી એક ખુરશી લઈને ત્યાં બેસીએ અને એશલી નુ ધ્યાન રાખીએ. કોઈવાર બીજા બાળકો સાથે કામ કરતા હોઈએ અને થોડીવાર માટે એશલીને એકલી મુકવી પડે તો બે ત્રણ નાની ખુરશી એવી રીતે રાખીએ કે એશલી જલ્દી બહાર ના આવી જાય.
એમીનો રૂવાબ સહુથી વધુ એશલી પર ચાલે પણ સાથે સાથે મોટીબેન હોય એમ એનુ ધ્યાન પણ રાખે. એશલીએ કાંઈક મોઢામા નાખ્યુ અને અમારૂં ધ્યાન ના હોય તો તરત એમી બુમ પાડે, “મુન્શા, મુન્શા, એશલી” ને અમે તરત એશલીને સંભાળી લઈએ.
આજે બપોરે હું બાળકોને નાસ્તો આપવાની તૈયારી કરતી હતી ને મીસ મેરી કાંઈક કામ મા હતી તો એમી જાણે મારી નકલ કરતી હોય તેમ ખુરશી પર બેસીને એશલીનુ ધ્યાન રાખી રહી. જેવો એશલી એ બહાર આવવાનો પ્રયત્ન કર્યો કે તરત ઊભી થઈને બે નાનકડી ખુરશી આગળ મુકી દીધી, એ જોઈને હું ને મીસ મેરી એટલું હસી પડ્યા કે આટલી નાનકડી એમી મા કેટલી ચતુરાઈ છે અને કેવી આપણી નકલ કરે છે.

શૈલા મુન્શા તા.૪/૮/૨૦૧૦

No Comments »

No comments yet.

RSS feed for comments on this post. TrackBack URI

Leave a comment

Type in
Details available only for Indian languages
Settings Settings reset
Help
Indian language typing help
View Detailed Help